ASTANA. KAZINFORM - Petropavldyń «Qyzyljar» klýby fýtboldan Qazaqstan Premer-lıgasynyń tórtinshi týrynda Astananyń «Jeńisinen» iri eseppen basym tústi.Búgin petropavldyq klýb óz alańynda elordalyq «Jeńisti» qabyldady.
Kezdesý barysynda olardyń qatarynan Evgenıı Berezkın 23-mınýtta esep ashsa, odan keıin Zoran Nıjıch esepti ústemeleı tústi.
Oıynnyń 71-mınýtynda Borıs Tsmılıanıch basymdyqty arttyrsa, Alekseı Şebegýn 81-mınýtta qorytyndy esepti belgiledi. Osylaısha «Qyzyljar» qarsylasynan 4:0 esebimen basym tústi.
Endi atalǵan týrda búgin, 6 sáýirde 16:30-da «Elimaı» men «Qaısar» kezdesse, 19:00-de «Qaırat» pen «Jetisý» jasyl alańǵa shyǵady.
Erteń, 7 sáýirde «Aqtóbe» men «Atyraý», «Shahter» men «Astana», «Turan» men «Ordabasy» oınaıdy.
Eske salsaq, fýtboldan Birinshi lıgada «Kaspıı» syrt alańda úsh upaı oljalady.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.