Fýtboldan el birinshiligi: «Aqtóbe» úsh upaı enshiledi, «Tobyl» teń tarqasty

<p>ASTANA. KAZINFORM - Fýtboldan Qazaqstan Premer-lıgasynyń úshinshi týrynda qostanaılyq &laquo;Tobyl&raquo; Petropavldyń &laquo;Qyzyljar&raquo; komandasymen kezdesti.&nbsp;</p>

Chýrchıch jattyqtyratyn chempıondyqqa úmitker klýb alǵashqy eki týrda upaı joǵaltpaǵan edi. Bul joly bir upaı enshilep, teń tarqasty. 

Kezdesý barysynda komandalar gol soǵatyn birneshe múmkindikti kádelerine jarata almady. Bir-biriniń qaqpasynyń mańynda qaýipti shabýyldardy uıymdastyrǵanymen eki klýbtyń fýtbolshylary da tablodaǵy esepke ózgeris engize almady. 

Taǵy bir kezdesýde «Aqtóbe» óz alańynda elordalyq «Jeńis» komandasyn 3:0 esebimen jeńdi. Kezdesý barysynda Maksım Samorodov 13, Idrıs Ýmaev 16, Dornı Romero 48-mınýtta mergendigimen kózge tústi.

Qazirgi kezde «Astana» men «Elimaı» (Semeı) komandalary oınap jatyr. 

Atalǵan týrdy 19:00-de «Ordabasy» (Shymkent) men «Qaırat» (Almaty) túıindeıdi.

Aıta keteıik, keshe «Shahter» óz alańynda «Turanǵa» 0:2, «Atyraý» «Jetisýǵa» 0:1 esebimen jol bergen bolatyn.