Fýtboldan el birinshiliginde «Qaırat» «Oqjetpesten» basym tústi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 12-týrynda almatylyq «Qaırat» kókshetaýlyq «Oqjetpesten» basym tústi, dep habarlaıdy QazAqparat tilshisi.

Almatylyq komanda buǵan deıin qatarynan eki márte qarsylastaryna ese jiberip qoıǵan edi. Sondyqtan jankúıerler aldynda jeńiske jetý jolyn izdedi.

Kezdesý barysynda «Qaırat» birden shabýylǵa shyqty. Sol sátterdiń birinde kókshetaýlyq qorǵaýshylar óz aıyp alańynda tártip buzdy. Tóreshi belgilegen penaltıdi Joao Paolo múlt jibergen joq.

Ekinshi kezeńde esepti ulǵaıtýǵa tyrysqan almatylyq komanda basymlyqty arttyrdy. Bul joly da Joao Paolo 49-mınýtta qarsylastar qaqpasyn dál kózdedi.

Oǵan 79-mınýtta «Oqjetpes» oıynshysy Rýslan Bolov bir golmen jaýap qaıyrdy.

Osylaısha «Qaırat» qarsylasynan 2:1 esebimen basym tústi.

Dál qazir birinshi kezeńnen keıin «Astana» «Aqsýdy» 1:0 esebimen jeńip jatsa, «Tobyl» men «Qyzyljar» kezdesýinde esep - 0:0.

Sondaı-aq, 21:00-de «Ordabasy» (Shymkent) men «Atyraý», «Aqtóbe» men «Shahter» (Qaraǵandy) oınaıdy.

4 maýsymda «Jetisý» (Taldyqorǵan) men «Kaspıı» (Aqtaý), «Qaısar» (Qyzylorda) men «Maqtaral» (Túrkistan oblysy) kezdesedi.