Fýtboldan Chempıondar lıgasy: búgin «Astana» horvatııalyq «Dınamomen» kezdesedi

ASTANA. QazAqparat - Búgin fýtboldan UEFA Chempıondar lıgasy birinshi irikteý satysynda elordalyq «Astana» syrt alańda «Dınamo Zagreb» (Horvatııa) komandasymen kezdesedi, dep habarlaıdy QazAqparat tilshisi.

Kezdesý 25 shildede elorda ýaqytymen 00:00-de bastalyp, «Qazsport» telearnasynan tikeleı efırde kórsetiledi.

«Dınamo Zagreb» (Horvatııa) 1945 jyly qurylǵan. 1947/48, 1953/54, 1957/58, 1981/82 jyldarda ıÝgoslavııa chempıony atandy. Al, 1990 jyldan beri óz elinde 24 márte jeńis tuǵyryna kóterildi.

2018 jyly Chempıondar lıgasy úshinshi irikteý satysynda «Dınamo Zagreb» komandasy «Astanany» (1:0, 2:0) qapy qaldyryp ketken edi.

Eki komanda arasyndaǵy qarymta kezdesý 1 tamyzǵa belgilengen.

Jeńimpaz ujym úshinshi irikteý satysynda Grekııanyń AEK komandasymen sheberlik baıqasady. Oıyn 9 jáne 15 tamyz kúnderi bolady.

Birinshi irikteý satysynda elordalyq klýb grýzııalyq «Dınamo Tbılısı» komandasyn (2:1, 0:0) orta jolda qaldyrdy.

Aıta ketsek, «Astana» 2015-2016 jylǵy kezeńde atalǵan týrnırdiń toptyq kezeńinde oıyn kórsetti. Al, 2016, 2017, 2018 jyldarda Eýropa lıgasy toptyq kezeńinde synǵa tústi.