Fýtboldan Birinshi lıgada «Jetisaı» úzdik úshtikke kóterildi

<p>ASTANA. KAZINFORM &ndash; Fýtboldan Birinshi lıganyń HH týry máresine jetti. Bul týrdyń ekinshi oıyn kúninde, 16 tamyzda Túrkistan oblysynyń &laquo;Jetisaı&raquo; klýby jeńisti jolyn jalǵastyrdy.&nbsp;</p>

Byltyr Ekinshi lıgada ozyq shyǵyp, Birinshi lıgaǵa bıyl qosylsa da shaǵyn bir aýdannyń komandasy Qazaqstan Premer-lıgasyna shyǵýǵa kúsh salyp keledi. Qazirdiń ózinde týrnır kestesinde úzdik úshtikke jaqyndap keledi. Áli de birinshi orynǵa shyǵý múmkindiginen qol úzgen joq. Alǵashqy eki orynǵa taban tiregen komandalar aldaǵy jyly Premer-lıgaǵa shyǵýǵa tikeleı joldama alady. Endeshe, oǵan «Jetisaıdyń» tolyq múmkindigi bar.

Túrkistandyq klýb atalǵan týrda Pavlodar oblysynyń «Ekibastuz» klýbyn 3:2 esebimen tize búktirip, týrnır kestesinde úzdik úshtikke kóterildi.

Sondaı-aq Túrkistan oblysynyń «Arysy» óz alańynda Qyzylordanyń «Qaısar-2» komandasyn 3:2 esebimen tize búktirse, «Aqtóbe-2» almatylyq «Han táńirine» 0:2, elordalyq «SD Family» aqtaýlyq «Kaspııge» 1:2 esebimen ese jiberdi.

Al, 15 tamyzda kókshetaýlyq «Oqjetpes» «Ulytaýdan» 0:2 esebimen jeńilse, Oraldyń «Aqjaıyǵy» «Túrkistandy» 3:1, Óskemenniń «Altaıy» «Tarazdy» 2:1 esebimen jeńdi. 

Endi HHI týr oıyndary 22 tamyz kúni ótkiziledi.