ASTANA. KAZINFORM - Fýtboldan Birinshi lıga komandalary arasyndaǵy Qazaqstan birinshiliginiń XI týrynda Túrkistan oblysynyń «Jetisaıy» kósh basyna shyqty.
Túrkistandyq klýb óz alańynda Almatynyń «Qaırat-2» komandasyn qabyldady. Birinshi kezeńniń ózinde «Jetisaı» qarsylas qaqpasyna jaýapsyz 6 gol soǵyp úlgerdi.
Ekinshi kezeńde almatylyq fýtbolshylar oǵan 2 golmen jaýap qaıyrdy.
Kezdesýde túrkistandyq komanda qarsylasyn 6:2 esebimen tize búktirip, týrnır kestesinde birinshi orynǵa kóterildi.
Sondaı-aq atalǵan týrdyń alǵashqy oıyn kúninde «Aqtóbe-2» óz alańynda «Ulytaýǵa» 0:3 esebimen ese jiberse, «SD Family» «Túrkistandy» 5:0, «Han táńiri» «Ekibastuzdy» 2:1 esebimen jeńdi.
Endi 14 maýsymda «Aqjaıyq» pen «Altaı», «Qaısar-2» men «Taraz», «Oqjetpes» pen «Kaspıı» kezdesedi.
Eske salsaq, Qazaqstanda «Atletıko Madrıd» fýtbol akademııasy ashylady.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.