Fýtboldan Birinshi lıgada «Jetisaı» kósh basyna shyqty

<p>ASTANA. KAZINFORM - Fýtboldan Birinshi lıga komandalary arasyndaǵy Qazaqstan birinshiliginiń XI týrynda Túrkistan oblysynyń &laquo;Jetisaıy&raquo; kósh basyna shyqty.</p>

Túrkistandyq klýb óz alańynda Almatynyń «Qaırat-2» komandasyn qabyldady. Birinshi kezeńniń ózinde «Jetisaı» qarsylas qaqpasyna jaýapsyz 6 gol soǵyp úlgerdi.

Ekinshi kezeńde almatylyq fýtbolshylar oǵan 2 golmen jaýap qaıyrdy.

Kezdesýde túrkistandyq komanda qarsylasyn 6:2 esebimen tize búktirip, týrnır kestesinde birinshi orynǵa kóterildi.

Sondaı-aq atalǵan týrdyń alǵashqy oıyn kúninde «Aqtóbe-2» óz alańynda «Ulytaýǵa» 0:3 esebimen ese jiberse, «SD Family» «Túrkistandy» 5:0, «Han táńiri» «Ekibastuzdy» 2:1 esebimen jeńdi.

Endi 14 maýsymda «Aqjaıyq» pen «Altaı», «Qaısar-2» men «Taraz», «Oqjetpes» pen «Kaspıı» kezdesedi.

Eske salsaq, Qazaqstanda «Atletıko Madrıd» fýtbol akademııasy ashylady.