Fýtboldan birinshi lıgada «Jetisaı» qatarynan tórtinshe márte jeńiske jetti

<p>ASTANA. KAZINFORM - Fýtboldan birinshi lıga komandalary arasyndaǵy Qazaqstan birinshiliginde besinshi týrdyń alǵashqy oıyn kúni aıaqtaldy.</p>

Bul týrda Túrkistan oblysynyń «Jetisaı» komandasy óz alańynda «Túrkistan» klýbyn 5:2 esebimen tize búktirdi.

Ekinshi lıgadan bıyl birinshi lıgaǵa qosylǵan ujym qatarynan tórtinshi márte jeńiske jetip otyr. Alǵashqy týrda almatylyq «Han táńirine» ese jibergen komanda odan keıin «Oqjetpes», «Ulytaý», «Qyran» klýbtaryn tize búktirdi.

Osylaısha komanda qazir týrnır kestesinde birinshi orynda keledi.

Aıta ketsek, búginge josparlanǵan «SD Family» men «Qyran» kezdesýi ótken joq. Qarjy máselesine baılanysty «Qyran» elordaǵa kele almady.

Sondaı-aq, búgin «Qaısar-2» men «Oqjetpes» 0:0 esebimen teń tússe, «Taraz» «Aqjaıyqtan» 3:1 esebimen basym tústi.

Al 3 mamyrda «Ulytaý» men «Ekibastuz», «Altaı» men «Han táńiri», «Qaırat-2» men «Kaspıı», «Arys» pen «Aqtóbe-2» komandalary kezdesedi.

Eske salsaq, qazaqstandyq jartylaı qorǵaýshy Aıbol Ábiken «Ordabasy» fýtbol klýbynda oıyn kórsetedi.