Fýtboldan birinshi lıgada «Jetisaı» altynshy márte jeńdi

<p> ASTANA. KAZINFORM — Fýtboldan birinshi lıga komandalary arasyndaǵy Qazaqstan birinshiliginde «Jetisaı» altynshy márte jeńiske jetti.</p>

Túrkistan oblysynyń komandasy óz alańynda Qyzylordanyń «Qaısar-2» komandasyn qabyldady.

Eki komanda byltyr ekinshi lıganyń ońtústik-batys konferentsııasynda synǵa túsip, alǵashqy eki oryndy ózara bólisti.

Nátıjesinde birinshi lıgaǵa joldama aldy.

Búgingi kezdesý barysynda túrkistandyq klýb qarsylasyn 4:0 esebimen tize búktirdi.

Osylaısha týrnır kestesinde 19 upaımen aqtaýlyq «Kaspıı» ekeýi kósh basynda keledi. 

Sondaı-aq, 24 mamyr kúni ótken taǵy bir kezdesýde «Túrkistan» óz alańynda «Arysty» 2:0 esebimen jeńdi.

23 mamyrda «Qyran» óz alańynda «Oqjetpesten» 0:1 esebimen jeńilse, «Altaı» «Aqtóbe-2» klýbyn 4:1, «Ulytaý» Almatynyń «Qaırat-2» komandasyn 3:1 esebimen tize búktirdi.

Eske salsaq, 22 mamyrda «Kaspıı» «SD Family» komandasyn 2:0, «Taraz» «Ekibastuzdy» 2:1 esebimen jeńse, «Aqjaıyq» pen «Han táńiri» 0:0 esebine qanaǵat bildirdi.