ASTANA. KAZINFORM - Búgin fýtboldan Birinshi lıgada HHІ týrynda qaraǵandylyq «Shahter» Almatynyń AKAS komandasymen teń oınap, týrnır kestesindegi jaǵdaıyn qıyndatyp aldy.
Bıyl qaraǵandylyq klýb Birinshi lıgada alǵashqy eki orynnyń birine úmitker retinde sanalǵan edi. Degenmen komanda bdop dodasyn ala-qula ótkizipk eledi. Olar atalǵan týrda syrt alańda AKAS klýbymen 1:1 esebimen teń oınady.
Sondaı-aq 11 qyrkúıekte «Akademııa Ońtústik» (Shymkent) óz alańynda «Aqtóbe-2» klýbyn 2:1, «Túrkistan» almatylyq «Han táńirini» 1:0 esebimen jeńdi.
Endi12 qyrkúıekte «Altaı» (Óskemen) men «SD Family» (Astana), «Kaspıı» (Aqtaý) men «Ertis» (Pavlodar), «Taraz» ben «Ekibastuz» (Pavlodar oblysy) oınaıdy.
Bul týrda Túrkistan oblysynyń «Jetisaıy» óz alańynda almatylyq «Qaırat-2» komandasyn 1:0 esebimen jeńdi.
Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.