Bul kúni joǵary oryndardan kórinýdi aldyna maqsat etken úsh komanda kezekti oıyndaryn ótkizdi. Olardyń qatarynda «Shahter», «Taraz», «Turan» komandalary bar.
Ekinshi oıyn kúninde alǵashqy kezdesý «Shahter» (Qaraǵandy) - «Tobyl-J» (Qostanaı) komandalary arasynda ótti. Match barysynda qostanaılyq komanda belsendi oıyn kórsetti. Nátıjesinde qarsylas komanda qaqpasyna jaýapsyz úsh gol soqty. Qatarynan úsh márte jeńiske jetken olar 10 upaımen týrnır kestesinde kósh basyna shyqty.
Taǵy bir oıynda «Taraz» syrt alańda Shymkenttiń «Akademııa Ońtústik» komandasymen sheberlik baıqasty. Olar qarsylasyna 1:2 esebimen ese jiberip, ekinshi márte jeńilistiń aşy dámin atty.
Al túrkistandyq «Turan» almatylyq «Han táńiri» komandasyn 1:0 esebimen jeńip, týrnır kestesinde 9 upaımen úzdik úshtikti túıindedi.
Oıyn nátıjeleri
30 sáýir
«Aqtóbe-J» - «Kaspıı-J» (Aqtaý) 3:3
«Elimaı-2» (Semeı) - «Batyr» (Pavlodar oblysy) 0:2
«Arys» (Túrkistan oblysy) - «Astana-J» 3:1
1 mamyr
«Shahter» (Qaraǵandy) - «Tobyl-J» (Qostanaı) 3:0
«Akademııa Ońtústik» (Shymkent) - «Taraz» 2:1
«Turan» (Túrkistan) - «Han táńiri» (Almaty) 1:0.
Endi bul týrda 2 mamyr 18:00-de «Jaıyq» (Oral) - «Qaırat-J» (Almaty) komandalary jasyl alańǵa shyǵady.
Ótken jyly Birinshi lıgada alǵashqy úsh orynǵa ıe bolǵan «Kaspıı» (Aqtaý), «Ertis» (Pavlodar), «Altaı» (Óskemen) komandalary Premer-lıgaǵa tikeleı joldama aldy. Al Premer-lıgada sońǵy oryndy mise tutqan «Turan» bıyl birinshi lıgada synǵa túsip qaldy.