Fýtboldan birinshi lıgada «Qaırat-2» «Qyrandy» 10:1 esebimen oısyrata jeńdi

<p>ASTANA. KAZINFORM - Fýtboldan birinshi lıga komandalary arasyndaǵy Qazaqstan birinshiligi jetinshi týrynda búgin &laquo;Qaırat-2&raquo; óz alańynda &laquo;Qyrandy&raquo; 10:1 esebimen oısyrata jeńdi.</p>

Shymkenttik «Qyran» bıyl sátsiz oıyn kórsetip keledi. Qazir týrnır kestesinde jeti oıynnan keıin nebári úsh upaımen 15-orynda keledi. Sondaı-aq, syrt alańdaǵy keıbir kezdesýlerge bara alǵan joq.

Búgin olar almatylyq «Qaırat-2» 1:10 esebimen oısyraı jeńildi.

Sondaı-aq, taǵy bir oıynda Túrkistan oblysynyń «Arysy» óz alańynda Kókshetaýdyń «Oqjetpesin» 2:0 esebimen súrindirdi.

Keshe, 16 mamyrda óz alańynda Túrkistan oblysynyń «Jetisaıy» Oraldyń «Aqjaıyǵyn» 2:1, Aqtaýdyń «Kaspııi» óz alańynda Qyzylordanyń «Qaısar-2» komandasyn 3:1, syrt alańda astanalyq «SD Family» «Aqtóbe-2» klýbyn 4:1, «Ulytaý» «Tarazdy» 2:1 esebimen jeńdi.

Al «Han táńiri» «Túrkistannan» 4:0 esebimen basym tússe, «Ekibastuz» ben «Taraz» 0:0 esebine qanaǵat bildirdi.

Jetinshi týrdan keıin «Kaspıı» men «Jetisaı» 16 upaımen kósh basynda keledi.

Endi aldaǵy týr oıyndary 22, 23, 24 mamyr kúnderi ótkiziledi.