Fýtboldan birinshi lıgada «Kaspıı» altynshy jeńisine qol jetkizdi

<p>ASTANA. KAZINFORM &mdash; Fýtboldan birinshi lıga komandalary arasyndaǵy Qazaqstan birinshiligi segizinshi týrynda &laquo;Kaspıı&raquo; altynshy jeńisine qol jetkizdi.</p>

Aqtaýlyq klýb óz alańynda Astananyń «SD Family» komandasyn qabyldaǵan edi. Kezdesý barysynda qarsylas qaqpasyna jaýapsyz eki gol soǵyp ketti.

Osylaısha qarsylasyn 2:0 esebimen tize búktirgen aqtaýlyq ujym týrnır kestesindegi jaǵdaıyn jaqsarta tústi. Qazir olar 19 upaımen birinshi orynda keledi.

Sondaı-aq, taǵy bir kezdesýde «Taraz» óz alańynda Pavlodar oblysynyń «Ekibastuz» klýbyn 2:1 esebimen jeńse, «Aqjaıyq» pen «Han táńiri» 0:0 esebine qanaǵat bildirdi.

Endi 23 mamyrda «Qyran» (Shymkent) men «Oqjetpes» (Kókshetaý), «Altaı» (Óskemen) men «Aqtóbe-2», «Ulytaý» (Jezqazǵan) men «Qaırat-2» (Almaty), 24 mamyrda «Jetisaı» (Túrkistan oblysy) men «Qaısar-2» (Qyzylorda), «Túrkistan» men «Arys» (Túrkistan oblysy) komandalary kezdesedi.

Eske salsaq, budan buryn grekııalyq Akıs Vavalıs «Jeńis» fýtbol klýbyna bas bapker boldy.