Fýtboldan birinshi lıgada «Altaı» alǵash ret jeńiske jetti

<p>ASTANA. KAZINFORM - Fýtboldan birinshi lıga komandalary arasyndaǵy Qazaqstan birinshiligi segizinshi týrynda &laquo;Altaı&raquo; komandasy alǵash ret jeńiske jetti.</p>

Óskemendik klýb óz alańynda «Aqtóbe-2» komandasyn qabyldaǵan edi. Kezdesý barysynda olar qarsylasynan 4:1 esebimen basym tústi.

Bul - «Altaıdyń» dop dodasyndaǵy alǵashqy jeńisi. Buǵan deıin óskemendik klýb alty márte jeńilip, bir márte teń túsken edi. Týrnır kestesinde kósh sońynda turǵan olar eki satyǵa joǵarylap, on tórtinshi orynǵa jaıǵasty. 

Sondaı-aq, 23 mamyrda shymkenttik «Qyran» óz alańynda Kókshetaýdyń «Oqjetpesine» 0:1 esebimen jeńilse, jezqazǵandyq «Ulytaý» Almatynyń «Qaırat-2» komandasyn 3:1 esebimen tize búktirdi. 

Endi atalǵan týrda 24 mamyrda «Jetisaı» (Túrkistan oblysy) men «Qaısar-2» (Qyzylorda), «Túrkistan» men «Arys» (Túrkistan oblysy) komandalary kezdesedi.

Eske salsaq, 22 mamyrda «Kaspıı» «SD Family» komandasyn 2:0 , «Taraz» «Ekibastuzdy» 2:1 esebimen jeńse, «Aqjaıyq» pen «Han táńiri» 0:0 esebine qanaǵat bildirdi.