Fýtboldan birinshi lıga: «Aqjaıyq» besinshi márte jeńilis tapty

<p>ASTANA. KAZINFORM — Fýtboldan birinshi lıga komandalary arasyndaǵy Qazaqstan birinshiliginiń toǵyzynshy týry máresine jetti.</p>

Atalǵan týrdyń ekinshi oıyn kúni, 31 mamyrda tórt oıyn ótkizildi.

Oraldyń «Aqjaıyǵy» jyl basynda Premer-lıgaǵa shyǵýǵa úmitker komandalar qatarynda atalǵan edi. Degenmen dop dodasy barysynda jankúıerlerdi qýanta almaı keledi. Nebári tórt upaımen sońǵy orynnyń birin mise tutyp tur.

Oraldyq klýb atalǵan týrda Qyzylordanyń «Qaısar-2» komandasyna 0:1 esebimen ese jiberdi. Nátıjesinde bıyl besinshi márte jeńilip, týrnır kestesindegi jaǵdaıyn qıyndatyp aldy.

Sondaı-aq, «Arys» óz alańynda «Tarazǵa» 1:2 esebimen ese jiberse, «Han Táńiri» komandasy «Aqtóbe-2» klýbyn 6:2 esebimen tize búktirdi.

Al «Oqjetpes» pen «Ulytaý» 1:1 esebine qanaǵat bildirdi.

Atalǵan týrda 30 mamyrda «Kaspıı» «Qyrandy» 3:0, «Qaırat-2» «Túrkistandy» 5:1 esebimen jeńse, «SD Family» «Altaıǵa», «Jetisaıy» «Ekibastuzǵa» 1:2 esebimen ese jiberdi.

Endi aldaǵy týr oıyndary 6 jáne 7 maýsym kúnderi ótkiziledi.