Fýtboldan birinshi lıgada «Túrkistan» úzdikterge jaqyndaı tústi

ASTANA. QazAqparat - Fýtboldan birinshi lıga komandalary arasynda Qazaqstan chempıonatynda «Túrkistan» týrnır kestesinde úzdik úshtikke jaqyndaı tústi, dep habarlaıdy QazAqparat tilshisi.

Túrkistandyq klýb búgin 15-týrda óz alańynda elordalyq «Astana-2» komandasyn 3:0 esebimen jeńdi. Nátıjesinde týrnır kestesinde úzdik úshtikte kele jatqan komandalarǵa jaqyndaı tústi.

Sondaı-aq, dál osyndaı eseppen almatylyq «Han táńiri» Shymkenttiń «Ońtústik akademııasyn», Pavlodar oblysynyń «Ekibastuzy» Túrkistan oblysynyń «Arysyn» tize búktirdi.

Dál qazir ótip jatqan kezdesýde Oraldyń «Aqjaıyǵy» «Aqtóbe-2» komandasyn 1:0 esebimen basym túsip jatyr.

Endi 14 shildede «Turan» (Túrkistan) men «Jas Qyran» (Almaty), «Elimaı» (Semeı) men «Qaırat-Jastar» (Almaty), «Jeńis» (Astana) pen «Qyran» (Shymkent) komandalary kezdesedi.

Eske salsaq, «Astana» Chempıondar lıgasynda grýzııalyq «Dınamomen» teń tústi.