Fýtboldan birinshi lıgada «Turan» toǵyz oıyn qatarynan jeńiske jetti

ASTANA. QazAqparat – Fýtboldan birinshi lıga komandalary arasynda Qazaqstan chempıonatynda túrkistandyq «Turan» toǵyz oıyn qatarynan jeńiske jetti, dep habarlaıdy QazAqparat tilshisi.

Túrkistandyq klýb 15-týrda almatylyq «Jas Qyrandy» 6:1 esebimen tize búktirdi.

Osylaısha qatarynan toǵyzynshy márte jeńiske jetti. Nátıjesinde týrnır kestesinde birinshi orynǵa kóterildi. Ekinshi oryndaǵy semeılik «Elimaıdan» bir oıyn artyq ótkizip, eki upaıǵa ozyp ketti.

Sondaı-aq elordalyq «Jeńis» Shymkenttiń «Qyranynan» 3:0 esebimen basym tústi.

13 shildede «Túrkistan» elordalyq «Astana-2» komandasyn, almatylyq «Han táńiri» Shymkenttiń «Ońtústik akademııasyn», Pavlodar oblysynyń «Ekibastuzy» Túrkistan oblysynyń «Arysyn» 3:0 esebimen tize búktirdi.

Al Oraldyń «Aqjaıyǵy» syrt alańda «Aqtóbe-2» komandasyn 1:0 esebimen jeńdi.

Endi atalǵan týrda 15 shildede semeılik «Elimaı» almatylyq «Qaırat jastarmen» kezdesedi.