Fýtboldan birinshi lıgada «Turan» «Elimaıǵa» jaqyndaı tústi

ASTANA. QazAqparat - Fýtboldan birinshi lıga komandalary arasyndaǵy el birinshiliginde on ekinshi týry máresine jetti, dep habarlaıdy QazAqparat tilshisi.

Bul týr oıyndary 22, 23 maýsym kúnderi ótkizildi.

Toǵyz týr boıy upaı joǵaltpaǵan Semeıdiń «Elimaı» klýby bul joly syrt alańda Shymkenttiń «Qyranymen» 1:1 esebimen teń tústi.

Esesine ekinshi orynda kele jatqan Túrkistannyń «Turany» syrt alańda almatylyq «Qaırat jastar» komandasyn 3:1 esebimen súrindirdi.

Nátıjesinde týrnır kestesinde olar «Elimaı» klýbyna jaqyndaı tústi. Eki komanda arasyn nebári bir upaı ǵana bólip tur. «Elimaı» enshisinde 29 upaı bolsa, «Turan» 28 upaı jınaǵan.

Ózge oıyndarda Oraldyń «Aqjaıyǵy» «Tarazdy» 4:0, Shymkenttiń «Ońtústik akademııasy» «Aqtóbe jastaryn» 52 «Túrkistan» «Arysty» 5:3, almatylyq «Jas Qyran» «Astana jastaryn» 3:1, elordalyq «Jeńis» Pavlodar oblysynyń «Ekibastuzyn» 2:1 esebimen jeńdi.

Eske salsaq, budan buryn qazaqstandyq klýbtardyń Konferentsııa lıgasyndaǵy qarsylastary belgili boldy.