Fýtboldan birinshi lıgada «Turan» ekinshi orynǵa kóterildi

ASTANA. QazAqparat – Fýtboldan birinshi lıga komandalary arasyndaǵy el birinshiligi 9-týrynda «Turan» ekinshi orynǵa kóterildi, dep habarlaıdy QazAqparat tilshisi.

Búgin birinshi lıgada 9-týrdyń tórt kezdesýiniń nátıjesi belgili boldy.

Túrkistandyq «Turan» atalǵan týrda shymkenttik «Qyrandy» 4:3 esebimen tize búktirdi. Bul – túrkistandyq klýbtyń qatarynan úshinshi jeńisi. Osylaısha, týrnır kestesinde 19 upaımen ekinshi orynǵa kóterilip, semeılik «Elimaıdy» qýyp jetti. Alaıda, semeılik klýbtyń bir oıyny kem.

9-týrdaǵy qalǵan úsh oıynda almatylyq «Jas qyran» óz alańynda Túrkistan oblysynyń «Arys» komandasyn 8:1, «Astana jastary» «Qaırat jastaryn» 3:1 esebimen jeńse, «Túrkistan» elordalyq «Jeńiske» 1:4 esebimen ese jiberdi.

Eske salsaq, budan buryn fýtboldan birinshi lıgada «Taraz» qatarynan besinshi márte jeńildi.