Fýtboldan birinshi lıgada «Qyran» úzdik tórtikke jaqyndady

ASTANA. QazAqparat – Fýtboldan birinshi lıga komandalary arasynda Qazaqstan chempıonatynda shymkenttik «Qyran» alǵashqy tórttikke jaqyndady, dep habarlaıdy QazAqparat tilshisi.

Atalǵan klýb 15-týrda Shymkenttiń «Ońtústik akademııasymen» kezdesti. Nátıjesinde qarsylasynan 1:0 esebimen basym túsip, týrnır kestesindegi jaǵdaıyn jaqsartyp aldy. Osylaısha alǵashqy tórtikke jaqyndady.

Sondaı-aq, 15-týrda Túrkistan oblysynyń «Arysy» óz alańynda elordalyq «Jeńiske» 0:2 esebimen jol berse, Almatynyń «Qaırat jastary» taǵy bir almatylyq ujym «Han táńirin» 3:1 esebimen jeńdi.

Al Oraldyń «Aqjaıyǵy» Pavlodar oblysynyń «Ekibastuzyn» 4:1 esebimen tize búktirdi.

Endi «Astana-2» men «Elimaı» (Semeı), «Jas Qyran» (Almaty) men «Aqtóbe-2», «Taraz» ben «Túrkistan» kezdesedi.