Fýtboldan birinshi lıgada «Elimaı» jetinshi oıyn qatarynan jeńiske jetti
Búgin birinshi lıganyń 9-týry máresine jetti. Kósh basynda kele jatqan Semeıdiń «Elimaıy» qatarynan jetinshi márte jeńiske jetti. Olar atalǵan týrda Pavlodar oblysynyń «Ekibastuz» klýbyn 7:0 esebimen tas-talqan etip jeńdi.
Nátıjesinde 22 upaımen týrnır kestesinde qaıtadan kósh basyna shyqty. Odan keıingi oryndaǵy Túrkistannyń «Turan» komandasynda 19 upaı bar.
Sondaı-aq, «Taraz» óz alańynda Shymkenttiń «Ońtústik akademııasymen» 3:3 esebimen teń tússe, «Aqtóbe jastary» almatylyq «Han táńirine» 0:3 esebimen jol berdi.
Aıta ketsek, atalǵan týrda 25 mamyrda tórt oıyn ótkizildi. Túrkistandyq «Turan» atalǵan týrda shymkenttik «Qyrandy» 4:3, almatylyq «Jas qyran» óz alańynda Túrkistan oblysynyń «Arys» komandasyn 8:1, «Astana jastary» «Qaırat jastaryn» 3:1 esebimen tize búktirdi.
Al, «Túrkistan» elordalyq «Jeńiske» 1:4 esebimen ese jiberdi.
Endi 10-týr oıyndary 31 mamyr jáne 1, 2 mamyr kúnderi ótkiziledi.