Fýtboldan birinshi lıgada «Elimaı» «Turannan» basym tústi

ASTANA. QazAqparat - Búgin fýtboldan birinshi lıga komandalary arasyndaǵy el birinshiliginiń 5-týry máresine jetti, dep habarlaıdy QazAqparat tilshisi.

Bul týrdaǵy basty oıyn túrkistandyq «Turan» men Semeıdiń «Elimaı» komandalary arasynda ótti.

Komandalar aldynda Premer-lıga oralý mindeti tur. Alǵashqysy byltyr úzdikter qatarynda oınasa, ekinshisi kóp jyldyq úzilisten keıin myqtylar qataryna qosylýdy kózdep otyr.

Oıyn barysynda semeılik komandadan Maksım Jıtnev 20, Beka Kavtaradze 57-mınýtta mergendik tanytsa, oǵan «Turan» fýtbolshysy Vıtalıı Balashov 96-mınýtta bir golmen jaýap qaıyrdy.

Atalǵan týrdaǵy ózge oıyn nátıjeleri tómendegishe: «Qaırat jastar» (Almaty) - «Ońtústik akademııasy» (Shymkent) 1:1 «Túrkistan» - «Aqtóbe jastar» 5:0, «Jas Qyran» (Almaty) - «Han Táńiri» (Almaty) 2:0 «Aqjaıyq» (Oral) - «Qyran» (Shymkent) 10:2 «Taraz» - «Ekibastuz» (Pavlodar oblysy) 1:2 «Astana-2» - «Jeńis» (Astana) 2:3.

Endi 6-týr oıyndary 9 jáne 10 mamyr kúnderi ótkiziledi.