Fýtboldan birinshi lıgada «Elimaı» toǵyzynshy oıyn qatarynan jeńiske jetti

ASTANA. QazAqparat - Fýtboldan birinshi lıga komandalary arasyndaǵy el birinshiliginde «Elimaı» toǵyzynshy oıyn qatarynan jeńiske jetti, dep habarlaıdy QazAqparat tilshisi.

Semeılik klýb on birinshi óz alańynda elordanyń «Jeńis» komandasymen kezdesti.

Eki komanda da birinshilikti aldyńǵy oryndardyń birinde keledi. Sondyqtan oıyn tartysty ótti. Komandalar bir-biriniń qaqpasyna gol soǵyp, jankúıerler qyzyqty oıyn tamashalaýǵa múmkindik aldy.

Kezdesý barysynda «Elimaı» sapynan Erkebulan Nurǵalıev 33, Beka Kavtaradze 51, Maksım Jıtnev 86-mınýtta mergendik tanytsa, oǵan elordalyq klýbtan Saıan Muqanov 11, Nurbol Ánýarbekov 82-mınýtta eki golmen jaýap qaıyrdy.

Osylaısha «Elimaı» qarsylasynan 3:2 esebimen basym tústi. Qatarynan toǵyzynshy márte jeńiske jetti. Týrnır kestesinde ekinshi orynda kele jatqan «Turannan» alty upaıǵa uzap ketti.

Endi atalǵan týrda 11 vfecsvlf «Turan» men «Arys» komandalary kezdesedi.

Atalǵan týrdaǵy ózge oıyn nátıjeleri tómendegishe: «Jas Qyran» - «Aqjaıyq» 4;0, «Taraz» - «Qaırat jastary» 4:2, «Aqtóbe jastary» - «Qyran» 1:3, «Ekibastuz» - Han táńiri» 2:3, «Túrkistan» - «Ońtústik akademııasy» 3:2.

Eske salsaq, budan buryn fýtboldan Qazaqstan jastary Moldovamen joldastyq kezdesý ótkizedi.