Fýtboldan birinshi lıgada «Elimaı» kósh basyndaǵy ornyn saqtap qaldy

ASTANA. QazAqparat - Fýtboldan birinshi lıga komandalary arasyndaǵy el birinshiliginde onynshy týry máresine jetti, dep habarlaıdy QazAqparat tilshisi.

Bul týr oıyndary 31 mamyr, 1, 2 maýsym kúnderi ótkizildi.

31 mamyrda semeılik «Elimaı» syrt alańda Almatynyń «Han táńiri» komandasyn 1:0 esebimen súrindirdi.

Osylaısha semeılik klýb týrnır kestesindegi birinshi ornyn saqtap qaldy.

Al 1 maýsymda Oraldyń «Aqjaıyǵy» óz alańynda «Astana jastaryn» 3:0 esebimen tize búktirse, Shymkenttiń «Ońtústik Akademııa» klýby Túrkistannyń «Turanynan» 0:5 esebimen jeńildi.

Sondaı-aq, 2 maýsymda Túrkistan oblysynyń «Arysy» óz alańynda «Tarazǵa» 1:3, shymkenttik «Qyran» «Túrkistanǵa» 0:1 esebimen jol berse, almatylyq «Qaırat jastary» «Jas qyrandy» 3:0, elordalyq «Jeńis» «Aqtóbe jastaryn» 2:1 esebimen jeńdi.

Endi qalǵan oıyndar 8, 9, 10 maýsym kúnderi ótkiziledi.