Fýtboldan birinshi lıgada «Aqjaıyq» iri eseppen jeńiske jetti

ORAL. QazAqparat – Fýtboldan birinshi lıga komandalary arasynda el birinshiliginiń 10-týrynda Oraldyń «Aqjaıyǵy» iri eseppen jeńiske jetti, dep habarlaıdy QazAqparat tilshisi.

Qazaqstandyq maman Igor Prohnıtskııdiń shákirtteri óz alańynda «Astana-Jas» komandasyn qabyldady.

Birinshi taımda reseılik Evgenıı Kobzar 16-mınýtta esep ashty.

Ekinshi kezeńde bıylǵy maýsymda nátıjeli oıynymen kózge túsip júrgen shabýylshy Arman Smaılov alańǵa shyqty. Aldymen ýkraınalyq Mıkola Agapov 53-mınýtta chempıonattaǵy kezekti golyn soqty. Sodan keıin A.Smaılov 57-mınýtta matchtyń núktesin qoıdy.

Toǵyz oıynnan keıin 19 upaı jınaǵan «Aqjaıyq» úzdik úshtikte keledi.

Osy týrda «Turan» syrt alańda «Akademııa Ońtústik» komandasyn 5:0 esebimen oısyrata utty. Túrkistandyqtar 22 upaımen ekinshi orynda tur. Al birinshilikte 25 upaımen Semeıdiń «Elimaıy» burynǵysha kósh bastaýda.

Oraldyqtar kelesi kezdesýin 8 maýsymda syrt alańda «Jas Qyranmen» ótkizedi.

Eske sala keteıik, budan buryn fýtboldan birinshi lıgada «Aqjaıyqtyń» «Qaırat-Jastardy» oısyrata utqanyn jazǵan edik.

Fýtboldan Qazaqstan keńeıtilgen quramasyna kimder shaqyrtý alǵany belgili boldy.

Foto – Aıbatyr Nurash