Fýtboldan Azııa kýbogy: Jartylaı fınalǵa shyqqan quramalar anyqtaldy

<p>DOHA. KAZINFORM - Qatarda ótip jatqan fýtboldan Azııa kýbogy jartylaı fınalyna shyqqan barlyq qurama belgili boldy.</p>

Jarystyń atalǵan satysynda Iran, Katar, Iordanııa, Ońtústik Koreıa quramalary joldama aldy. 2-3 aqpan kúnderi shırek fınal oıyndary ótkizildi.

Jarystyń atalǵan satysynda Iran quramasy Japonııany 2:1 esebimen tize búktirse, Ońtústik Koreıa dál osyndaı eseppen overtaımda Avstralııany jarys jolynan shyǵardy.

Al Iordanııa Tájikstandy 1:0 esebimen jeńse, Ózbekstan Katar kezdesýiniń negizgi kezeńi 1:1 esebimen aıaqtalyp, penaltıden qatarlyqtar basym tústi.

Endi jartylaı fınalda 6 aqpanda Iordanııa men Ońtústik Koreıa, 7 aqpanda Iran men Qatar quramalary jasyl alańǵa shyǵady.

Azııa kýbogy oıyndary 1956 jyldan beri turaqty túrde ótkizilip keledi.

Qazirge deıin Japonııa - 4, Saýd Arabııasy men Iran - 3, Ońtústik Koreıa - 2, Izraıl, Kýveıt, Avstralııa, Irak, Katar - 1 márteden chempıon atandy.