Fýtboldan Azııa kýbogy: Ózbekstan quramasy Sırııamen teń tústi

<p>Katarda fýtboldan Azııa kýbogynda 13 qańtarda ekinshi oıyn kúni aıaqtaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qazaqstandyq jankúıerler elimizge kórshiles jatqan Ózbekstan jáne Tájikstan quramalarynyń alǵashqy oıyndaryna nazar aýdarǵany anyq.

Ózbekstandyq fýtbolshylar V tobynda birinshi týrda Sırııamen sheberlik baıqasty. Tartysty ótken kezdesýde esep ashylǵan joq, 0:0.

Bul toptaǵy taǵy bir kezdesýde Avstralııa quramasy Úndistandy 2:0 esebimen jeńdi.

Al A tobynda Tájikstan men Qytaı quramalary 0:0 esebine qanaǵat bildirdi.

Bul topta 12 qańtarda Katar Lıvandy 3:0 esebimen tize búktirdi.

Endi 14 qańtarda S tobynda Iran men Palestına, Birikken Arab Ámirligi men Gonkong kezdesedi.

Sondaı-aq, bul kúni D tobynda Japonııa men Vetnam jasyl alańǵa shyǵady.

Azııa kýbogy oıyndary 1956 jyldan beri turaqty túrde ótkizilip keledi.

Qazirge deıin Japonııa - 4, Saýd Arabııasy men Iran - 3, Ońtústik Koreıa - 2, Izraıl, Kýveıt, Avstralııa, Irak, Katar 1 retten chempıon atandy.