Fýtboldan almatylyq «Qaırat» reseılik «Zenıtpen» teń oınady

<p>Fýtboldan almatylyq &laquo;Qaırat&raquo; Reseıdiń &laquo;Zenıt&raquo; (Sankt-Peterbýrg) komandasymen joldastyq kezdesý ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Bul oıyn Almaty qalasyndaǵy Ortalyq stadıonda uıymdastyryldy.

Kezdesý barysynda alań ıeleri qatarynan Joao Paolo 8-mınýtta esep ashsa, 29-mınýtta reseılik Aleksandr Erohın tarazy basyn teńestirdi.

Al 69-mınýtta almatylyq klýbtan qorǵaýshy Ofrı Arad «Qaıratty» taǵy da alǵa shyǵardy.Oǵan 85-mınýta «Zenıt» oıynshysy Gýstavo Mantýan bir golmen jaýap qaıyrdy.

Esep 2:2,komandalar teń oıynǵa qanaǵat bildirdi.

Eki komanda buǵan deıin 1991 jyly KSRO birinshiliginde kezdesti. Almaty qalasynda ótken oıynda «Qaırat» 1:0 esebimen basym túsken edi.

«Zenıt» Reseı birinshiliginde toǵyz márte chempıon atanǵan. Komanda quramynda qazaqstandyq qorǵaýshy Nurálı Álip oıyn kórsetedi.

Eske salsaq, bıylǵy jyldyń shilde aıynda joldastyq kezdesýde «Qaırat» Almatyda «Pahtakordan» jeńilip qaldy.