Fýtboldan álem chempıonatynda polıak qaqpashysy seıv jasaý jóninen kósh bastady

ASTANA. QazAqparat – Qatarda fýtboldan ótip jatqan álem chempıonatynda Polsha quramasynyń qaqpashysy Voıtseh Şensny seıv jasaý jóninen kósh bastady, dep habarlaıdy QazAqparat tilshisi.

Polıak qaqpashysy S tobynda ótken eki matchta qaqpasyna dop ótkizbeı, seıv sanyn 9-ǵa jetkizdi.

Búgin Saýd Arabııasymen ótken matchta V.Şensny óz qaqpasyn bes ret aman alyp qaldy. Sonyń ishinde Salem Al-Davsarıdiń 11 metrlik aıyp dobyn qaıtardy.

Budan buryn Meksıkamen ótken birinshi oıynda V.Şensny tórt ret soqqyny qaqpaǵa darytpady.

V.Şensnydyń Italııa chempıonatynda «ıÝventýs» (Týrın) klýbynyń qaqpasyn qorǵaıtyny málim.

Polsha – Saýd Arabııasy matchynda taǵy bir tarıhı derek tirkeldi. Polsha quramasynyń surmergeni Robert Levandovskı álem chempıonatynyń fınaldyq kezeńindegi alǵashqy golyn soqty.

Eske sala keteıik, budan buryn fýtboldan álem chempıonatynda Irannyń sońǵy mınýttarda Ýelsti jeńip ketkenin jazǵan bolatynbyz.

Sondaı-aq Nıderland pen Ekvador quramalary teń tarqassa, Aýstralııa Týnısti tize búktirdi.

Polsha quramasy Saýd Arabııasynan basym tústi.

Foto: Safonov Aleksandr/championat.com