Fýtboldan álem chempıonatynda Marokko men Horvatııa quramalary teń tústi
Horvatııa quramasy 2018 jyly fınalǵa deıin jetti. Aqtyq synda Frantsııaǵa ese jiberip, ázirge óz tarıhyndaǵy eń joǵary jetistikke qol sozdy.
Bıyl da sondaı tabysqa jete ala ma? Jankúıerler olardan osyndaı jeńis kútedi.
Horvatııa fýtbolshylary dúbirli dodadaǵy alǵashqy kezdesýin Marokko quramasyna qarsy ótkizdi. Kezdesý barysynda qos qurama jeńiske jetý jolyn izdedi.
Álem fýtbolynyń juldyzy Lýka Modrıch Horvatııa quramasyn alǵa súıreýge umtyldy. Dese de, olardyń oılaǵany oryndalmaı jatty.
Marokko azýly qarsylasyna laıyqty tótep berdi.
Ekinshi kezeńde de fýtbolshylar tablodaǵy esepke ózgeris engizýge kúsh salǵan edi. Horvatııalyq qurama oıynshylarynda dáldik jetispeı jatty.
Osylaısha qos qurama 0:0 esebine qanaǵat bildirdi.
Aıta ketsek, atalǵan toptaǵy Belgııa men Kanada kezdesýi «Qazsport» telearnasynan elorda ýaqytymen 01:00-de tikeleı efırde kórsetiledi.
Sondaı-aq, búgin, 23 qarashada E tobynda eki kezdesý ótedi.
22 qarashada S tobynda Argentına Saýd Arabııasynan jeńilse, Meksıka men Polsha teń tústi.
Al D tobynda Frantsııa Aýstralııany iri eseppen utsa, Danııa men Týnıs komandalary teń tarqasty.
Foto: championat.com