Fýtboldan Álem chempıonatyna arnalǵan 100 teńgelik moneta shyqty

ASTANA. QazAqparat – Qazaqstanda «Sport» monetalar serııasynan FIFA WORLD CUP QATAR 2022 kollektsııalyq monetalar aınalymǵa shyqty, dep habarlaıdy QazAqparat.

Monetalar Qazaqstan Ulttyq banki, Qazaqstan moneta saraıy men MDM nemis nýmızmatıka kompanııasy arasyndaǵy úshjaqty kelisim aıasynda shyǵaryldy. Satylymǵa túsetin datany Ulttyq bank qosymsha habarlaıtyn bolady.

FIFA WORLD CUP QATAR 2022 monetalarynyń dızaınyn FIFA Halyqaralyq fýtbol federatsııasy bekitken. Shaqada relefti ortasha deńgeıde altynmen jalatý boıynsha jańa tehnologııa qoldanylyp otyr. Ol monetalyq óndiriste alǵash ret paıdalanyldy jáne doptyń kólemin bólip kórsetýge múmkindik beredi.

Kollektsııalyq monetalar altyn jalatý tehnologııasy qoldanyla otyryp, 925/1000 synamaly kúmisten jasaldy. Massasy 20 gramm, dıametri 37 mm, nomınaly 100 teńgelik, jalpy taralymy 4 myń dana. Іshki naryq úshin taralymy – 3 650 dana, syrtqy naryq úshin – 350 dana.

Shaqalar Qazaqstannyń búkil aýmaǵynda óziniń belgilengen qunymen tólemniń barlyq túri boıynsha qabyldanýǵa jatady.

Foto: nationalbank.kz