Fýtboldan álem chempıonatyn vaktsına pasporty bar jankúıerler ǵana tamashalaı alady

NUR-SULTAN. QazAqparat –Úndistannyń Maharashtra shtatynda «Delta plıýs» degen ataýǵa ıe bolǵan koronavırýs shtamynyń jańa nusqasynyń taralýy anyqtaldy. Bul týraly QazAqparat Sanıtarııalyq-epıdemıologııalyq baqylaý komıtetine silteme jasap habarlaıdy.

Qazirdiń ózinde jańa mýtatsııany juqtyrýdyń 20 jaǵdaıy tirkelgen. Úndistannyń búkil medıtsınalyq ǵylymdar ınstıtýtynyń jetekshisi Randıp Gýlerııa atalmysh shtammnyń bolashaqta alańdaýshylyq týdyrýy múmkin ekendigin eskertti. Sondaı-aq ol, týyndaǵan mýtatsııa vırýstyń juǵý qasıetterin ózgertýge sebep bolýy múmkin ekendigin aıtyp, bul vırýstyń jańa shtammyn birneshe apta boıy baqylaý kerek ekendigin alǵa tartty.

Karnavaldar elinde pandemııa aıaqtalar emes. Brazılııada ótken táýlikte koronavırýstyq ınfektsııany 44 178 adam juqtyrsa, indetten 1025 adam kóz jumǵan. Ońtústik Amerıkadaǵy 17,92 mln halqy bar el ınfektsııany juqtyrýdyń anyqtalǵan derekteriniń jalpy sany boıynsha Úndistan men AQSh-tan keıingi úshinshi orynda tur.
Parsy shyǵanaǵynda ótetin FIFA Álem chempıonatyn vaktsınatsııa pasporty bar jankúıerler ǵana tamashalaı alady. Katar 2022 jylǵy álem chempıonatyna tek vaktsınatsııanyń tolyq kýrsynan ótken azamattardy jiberýge nıetti. Eldiń Premer-Mınıstri Haled ben Halıfa Al Tanı fýtboldan Álem chempıonaty 2022 jyldyń aıaǵynda ótetindikten, kóptegen elderdiń óz azamattaryn sol ýaqytqa deıin koronavırýstyq ınfektsııaǵa qarsy egip úlgeretindigin málimdedi. Chempıonatty ótkizýshi el matchtardy tamashalaýǵa kelýdi qalaıtyn adamdar úshin vaktsınanyń mıllıon dozasyn jetkizý týraly kelissózderdi júrgizip jatyr.