Fýtboldan álem chempıonaty: Qaı komanda kóp oıynshy jiberdi

ASTANA. QazAqparat - Ispanııalyq «Barselona» fýtboldan álem chempıonatyna eń kóp oıynshy jibergen komanda retinde rekord ornatty, dep habarlaıdy QazAqparat tilshisi.

Búgin Katarda bastalatyn álem chempıonatyna álemniń kóptegen klýbtary óz oıynshylary attandyrdy. Olardyń arasynan Ispanııanyń «Barselona» komandasy 17 fýtbolshysyn attandyryp saldy. Bul «Valensııa» qorǵaýshysy Hose Lýıs Gaııany almastyrǵan 19-jastaǵy Alehandro Balde Ispanııa quramasy qataryna qosylǵannan keıin belgili boldy.

Atalǵan eldiń quramasy sapynda Alehandro Baldeden ózge Erık Garsııa, Jordı Alba, Serhıo Býskets, Pedrı, Gavı, Ferran Torres jáne Ansý Fatı oıyn kórsetýge múmkindik alyp otyr.

Sondaı-aq, atalǵan komandadan ózge elder quramasynda Jıýl Kýnde men Ýsman Dembele (Frantsııa), Frenkı de Iong men Memfıs Depaı (Nıderlandy), Mark-Andre Ter Shtegen (Germanııa), Ronald Araýho (Ýrýgvaı), Rafınıa (Brazılııa) jáne Robert Levandovskı (Polsha) jasyl alańǵa shyǵýy múmkin..

Katar eline óz quramynan «Manchester Sıtı» 16 fýtbolshy attandardy. Rdan keıingi oryndarda «Al-Sadd» (15), «Manchester ıÝnaıted» (14), «Real» (13), «Chelsı», «Atletıko» jáne «Al-Hılal» (12), PSJ, «Tottenhem», «Borýssııa» (Dortmýnd), «ıÝventýs» jáne «Aıaks» (11) tur.

Eske salsaq, budan buryn fýtboldan álem chempıonatynda alǵash ret áıel tóreshiler qyzmet atqaratynyn habarlaǵan edik.