Fýtboldan Afrıka ulttary kýbogy: Shırek fınalǵa shyqqan quramalar anyqtaldy

<p>ASTANA. KAZINFORM - Fýtboldan Afrıka ulttary kýbogy shırek fınalyna shyqqan barlyq qurama belgili boldy.</p>

Jarystyń atalǵan satysyna Nıgerııa, Angola, Kongo Respýblıkasy, Gvıneıa, Kot-d'Ivýar, Kabo-Verde, Malı, Ońtústik Afrıka quramalary joldama aldy.

1/8 fınalda Senegal quramasy Kot-d'Ivýarǵa 1:2 esebimen jol berdi.

Senegaldyq qurama 2021 jyly atalǵan týrnırde chempıon atanǵan edi. Bul joly sol jeńisti jolyn jalǵastyra alǵan joq. Álemniń úzdik oıynshylarynyń biri Sadıo Mane qurlyqtyq dodadan qur qaıtty.

Sondaı-aq Egıpet quramasy da jarys jolynan shyǵyp qaldy. Olar Kongo quramasymen negizgi kezeńde 1:1 esebimen teń túsip, penaltıden qarsylasyna ese jiberdi. Alǵan jaraqatyna baılanysty egıpettik shabýylshy Mohamed Salah bul oıynǵa qatysa alǵan joq.

Al Marokko fýtbolshylary Ońtústik Afrıkadan 0:2 esebimen jeńilip, jarysty erte aıaqtaýǵa májbúr boldy.

1/4 fınalda quramalar tómendegishe jup qurady:

2 aqpan

Nıgerııa - Angola

Kongo Respýblıkasy - Gvıneıa

3 aqpan

Kot-d'Ivýar - Malı

Kabo-Verde - Ońtústik Afrıka

Eske salsaq, budan buryn fýtboldan Azııa kýbogynda Ózbekstan quramasy shırek fınalǵa shyqty.