Fýtboldan ÁCh: Ońtústik Koreıa Gana quramasynan jeńilip qaldy

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda 28 qarashada H tobynda ekinshi týrynda Ońtústik Koreıa jáne Gana kezdesýi aıaqtaldy, dep habarlaıdy QazAqparat tilshisi.

Alǵashqy týrda Ońtústik Koreıa Ýrýgvaımen 0:0 esebimen teń tússe, Gana Portýgalııaǵa 2:3 esebimen jol berdi.

Sol sebepti kezdesý barysynda eki qurama jeńiske jetý jolyn izdedi. Birinshi kezeńde ganalyq fýtbolshylar qatarynan eki gol soǵyp ketti. Ony Mohamed Salısý 24, Mohamed Kýdýs 34-mınýttarda mergendik tanytty.

Ekinshi kezeńde koreılik fýtbolshylar belsendi qımyl kórsetti. Nátıjesinde olardyń qatarynan Chho Kıý Sýn 58, 61-mınýttarda kózdegen nysanadan múlt ketken joq. Osylaısha tarazy basyn teńesti.

Al Mohamed Kýdýs 69-mınýtta qaıtadan Gana quramasyn alǵa shyǵardy.

Osylaısha Gana qarsylasynan 3:2 esebimen basym tústi.

Sondaı-aq, Portýgalııa men Ýrýgvaı kezdesýi elorda ýaqytymen 1.00-de «Qazsport» telearnasynan tikeleı efırde kórsetiledi.

Eske salsaq, budan buryn G tobynda ekinshi týrda Kamerýn jáne Serbııa quramalary 3:3 esebimen teń tústi.

Bul toptaǵy Brazılııa men Shveıtsarııa kezdesýin 22:00-de «Qazaqstan» men «Qazsport» telearnalarynan tamashaalýǵa bolady.

Foto: championat.com