Halyqaralyq fýtbol federatsııasynyń basshysy Djannı Infantıno áleýmettik jelisinde fýtboldan 2034 jylǵy álem chempıonatynyń fınaldyq satysy Saýd Arabııasynda ótetinin jazdy, dep habarlaıdy Kazinform.
«Fýtbol basqa sport túrleri sııaqty álemdi biriktiredi. Álem chempıonaty - birlik pen ınklıýzıvtilik ıdeıasynyń tamasha kórinisi», - dedi Djannı Infantıno.
Budan buryn Aýstralııa 2034 jylǵy álem chempıonaty fınaldyq satysyn ótkizýge baılanysty ótiniminen bas tartqan bolatyn. Nátıjesinde Saýd Arabııasy dúbirli dop dodasyn ótkizýge ótinish bildirgen jalǵyz el boldy.
Aıta keteıik, 2026 jylǵy álem chempıonaty AQSh, Kanada, Meksıka elderinde ótedi. Al 2030 jylǵy álem chempıonatynyń alǵashqy úsh oıyny Ýrýgvaı, Paragvaı jáne Argentınada bastalsa, qalǵany Ispanııa, Portýgalııa jáne Marokkoda bolady.
Eske salsaq, 2022 jyly álem chempıonaty Katarda ótti.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.