Fýtboldan 2024 jylǵy Eýropa chempıonaty saltanatty túrde ashyldy
Saltanatty shara Mıýnhen qalasyndaǵy «Alıans-arena» stadıonynda ótkizildi.
Ashylý saltanatynda 2024 jyldyń qańtar aıynda ómirden ótken, 1972 jylǵy Eýropa chempıonatynda komanda kapıtany bolǵan Frants Bekkenbaýerdi eske aldy. Oǵan Frants Bekkenbaýerdiń áıeli Haıdı Bekkenbaýer qatysty.
Oıyn aldynda Eýropa chempıonyna beriletin kýbokty Germanııa quramasynyń eks-kapıtandary ıÝrgenn Klınsmann men Bernard Dıts alyp shyqty. Dál qazir A tobynda Germanııa - Shotlandııa quramalarynyń kezdesýi bastalady.
Eýropanyń úzdik quramalarynyń 51 kezdesýi tolyǵymen «Qazaqstan» jáne «Qazsport» telearnalarynan tikeleı efırde kórsetiledi.
Erteń, 15 maýsymda A tobynda Vengrııa - Shveıtsarııa, V tobynda Ispanııa - Horvatııa, Italııa - Albanııa oıyndary bolady.
Qurlyqtyq doda oıyndary Germanııanyń Berlın, Dortmýnd, Dıýsseldorf, Maındaǵy Frankfýrt, Gelzenhırken, Gambýrg, Keln, Leıptsıg, Mıýnhen, Shtýtgart sekildi qalalarynda ótkiziledi. Álemdik dop dodasynda qazylyq etetin tóreshiler Anglııa, Argentına, Germanııa, Ispanııa, Italııa, Nıderland, Polsha, Portýgalııa, Rýmynııa, Slovakııa, Slovenııa, Túrkııa, Frantsııa, Shveıtsarııa, Shvetsııa elderinen kelgen.
Eýropa chempıonaty 1960 jyldan beri uıymdastyrylyp keledi. Qazirge deıin Germanııa, Ispanııa 3, Italııa, Frantsııa 2, KSRO, Portýgalııa, Chehoslovakııa, Nıderland, Danııa men Grekııa 1 retten jeńis tuǵyryna kóterildi.