Fýtboldan 2022 jylǵy álem chempıonatynyń alǵashqy goly soǵyldy
Álem chempıonatynyń alǵashqy goly 16-mınýtynda ashyldy. Ony ekvadorlyq Enver Valensııa penaltıden óziniń enshisine jazdy. Atalǵan fýtbolshynyń 3-mınýtynda soǵylǵan goly oıyn tártibiniń buzylýyna baılanysty sanalǵan joq.
Kezdesý barysynda ıtalıandyq Danıele Orsato bas tóreshi qyzmetin atqarýda. Bul mindet 46 jastaǵy arbıtrge álem chempıonatynda bas tóreshi retinde tuńǵysh márte júktelip otyr. Ol 2018 jylǵy álem chempıonatynda VAR boıynsha tóreshiniń kómekshisi boldy.
Alań ıeleri - Qatar quramasy atalǵan týrnırdiń fınaldyq satysyna tuńǵysh márte qatysyp otyr.
Ekvador quramasy álem chempıonaty fınaldyq satysyna úshinshi márte qatysyp otyr. 2002, 2014 jyldarda toptyq kezeńnen asa alǵan joq. Al 2006 jyly 1/8 fınalǵa deıin jetti.
Eki qurama buǵan deıin úsh márte kezdesti. 1996 jyly alǵashqy oıynda 1:1 esebi tirkelse, taǵy bir kezdesý ekvadorlyqtar basymdyǵymen 2:1 esebimen aıaqtaldy.
Foto: AFP