Fýtbol: «Winter Cup» týrnıriniń qola júldegeri anyqtaldy, alda - aqtyq syn

<p>ASTANA. KAZINFORM - Fýtboldan Qazaqstan klýbtary arasynda ótip jatqan &laquo;Winter Cup&raquo; týrnırinde &laquo;Aqtóbe&raquo; qola júldeger atandy.</p>

3-oryn úshin saıysta Semeıdiń «Elimaı» komandasy men «Aqtóbe» synǵa tústi.

Kezdesý barysynda semeılik klýbtan Kventın Kornett 43, Devıd Maıkom 60, aqtóbelik ujymnan Eleke Chıbýıke Blessıng 18, Maksım Samorodov 85-mınýtta mergendik tanytty.

Oıynnyń negizgi kezeńi 2:2 esebimen teń aıaqtalyp, penaltıden «Aqtóbe» 3:2 esebimen basym tústi.

Endi búgin, 21 aqpanda elorda ýaqytymen 20:00-de «Ordabasy» men «Tobyl» bas júldeni sarapqa salady. Kezdesý «Qazsport» telearnasynan tikeleı efırde kórsetiledi.

Jańa maýsym aldyndaǵy týrnır barysynda 100 mıllıon teńge sarapqa salynady. Dop dodasynyń jeńimpazy 60 mln teńgege ıe bolsa, ekinshi oryn alǵan klýb 40 mln teńgege qol jetkizedi.

Eske salsaq, jartylaı fınalda «Tobyly» «Aqtóbeni» 4:2, Shymkenttiń «Ordabasy» klýb «Elimaıdy» 4:0 esebimen tize búktirdi.