Fýtbol: «Tobylǵa» jańa bapker keldi

QOSTANAI. QazAqparat - Qostanaıdyń «Tobyly» jańa bapkermen tolyqty. Buǵan deıin «Tobyl J» komandasynyń tizginin ustaǵan Oleg Lotov bas bapker Marek Zýbtyń kómekshisi retinde tanystyryldy, dep habarlaıdy QazAqparat.

Oleg Lotov bapker mansabynda kóp jyldar boıy «Tobyldyń» jastar quramasyn jattyqtyrdy. Sondaı-aq, birneshe jyl bas bapkerdiń mindetin atqarýshy jumysyn da eńserdi. Búgin qazaqstandyq maman fýtbolshylar men klýb ujymyna tanystyryldy.

«Biz bas bapkerdiń kómekshisin izdeýdi toqtattyq. Oleg Lotovtyń kandıdatýrasy bas bapker Marek Zýbpen kelisildi. Bir jaǵynan Oleg Lotov Marek Zýb sııaqty joǵary dárejedegi mamannan kóp nárseni úırenedi», - dedi klýbtyń dırektory Nıkolaı Panın.

Óz kezeginde Oleg Lotov klýb basshylyǵy men bas bapkerge alǵysyn bildirdi.

«Bul men úshin aıtarlyqtaı tájirıbe bolmaq. Komandaǵa bıylǵy jyly qoıylǵan tapsyrmany oryndaýǵa tyrysamyz. Marek Zýb sııaqty mamanmen birge jumys isteýge rızamyn», -dedi Oleg Lotov.

Eske salaıyq, Oleg Lotov "A" dárejeli bapkerlik lıtsenzııasynyń ıesi. 2010 jyly «Tobyl» sapynda Qazaqstan chempıony atandy.