Fýtbol: «Taraz» aldaǵy jyly birinshi lıgada oınaıdy
Bul jóninde komandanyń baspasóz qyzmeti málim etti.
Baspasóz qyzmetiniń habarlaýynsha, klýb bazasynda oblystyq dene shynyqtyrý jáne sport basqarmasynyń basshysy men komanda oıynshylary, klýb ókilderiniń kezdesýi ótken.
«Basqarma basshysy oblystyq ákimdik tarapynan jaǵdaı jasalsa da, klýb sońǵy ýaqytta birqatar qarjylyq qıyndyqty bastan ótkizgenin tilge tıek etti. Komandanyń oıynshylar aldynda qaryzy bar. Sondyqtan Qazaqstan Fýtbol federatsııasy klýbqa jańa oıynshylar alýǵa tyıym saldy. Premer-lıganyń kelesi maýsymyna qatysý boıynsha letsenzııalaýda máseleler týyndady. Mundaı jaǵdaıda komandanyń elimizdiń joǵary birinshiliginde oınaýy múmkin emes. Osyǵan baılanysty federatsııa «Taraz» fýtbol klýbyn Birinshi lıgaǵa jiberý týraly sheshim qabyldady», - dep jazylǵan habarlamada.
Komanda joǵary lıgaǵa qaıta oralýǵa kúsh salady. Jaqyn arada qaryzdar ótelip, qarjylyq jaǵdaıdy túzeýge mán beriledi. Klýbtyń ulttyq qurama men negizgi komandaǵa jas fýtbolshylardy tárbıeleý isin jalǵastyrady. Sondaı-aq, balalar men jasóspirimder fýtbolyn odan ári damytý tujyrymdamasy saqtalady.
Eske salsaq, budan buryn «Qaısar» komandasyna jańa bas bapker taǵaıyndaldy.