Fýtbol: «Shahter» men «Astana» arasyndaǵy oıyn kórermensiz ótedi

<p>2023 jylǵy Qazaqstan chempıonatynyń sońǵy týrynda &laquo;Shahter&raquo; men &laquo;Astana&raquo; arasyndaǵy oıyn kórermensiz ótedi. Kazinform agenttigi bul týraly Vesti.kz-ke silteme jasap habarlaıdy.</p>

Kostenko atyndaǵy shahtadaǵy qaıǵyly oqıǵaǵa baılanysty Qazaqstan chempıonatynyń 26-shy kúni tańerteńgi «Shahter» - «Astana» matchy kórermensiz ótedi, dep habarlady qaraǵandylyq klýbtyń baspasóz qyzmeti.

Oıyn 29 qazanǵa josparlanǵan, bastalýy - 17:00-de. QKFL sheshimimen Qazaqstan chempıonatynyń 26-shy týryndaǵy barlyq matchtar bir mınýt únsizdikpen bastalady.

Eske salaıyq, 28 qazan kúni túngi saǵat 02.33-te Qaraǵandy oblysyndaǵy Kostenko atyndaǵy shahtada órt boldy. Jer astynda 252 adam bolǵan, olardyń 205-i birden joǵary shyǵaryldy.
Qazirgi kezde 36 kenshiniń denesi tabyldy, 10 adam izdestirilip jatyr.

29 qazan Qazaqstan Respýblıkasynda Jalpyulttyq aza tutý kúni bolyp jarııalandy.