Fýtbol: «Ordabasy» syrt alańda «Maqtaraldy» qapy qaldyrdy

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 9-týrynda «Ordabasy» syrt alańda «Maqtaraldy» súrindirdi, dep habarlaıdy QazAqparat tilshisi.

Bıyl eki komandanyń týrnır kestesindegi jaǵdaıy túrlishe bolyp tur. «Ordabasy» top basyndaǵy úzdikter qatarynda kele jatsa, «Maqtaral» kósh sońyna jaıǵasqan.

Oıynnyń alǵashqy sátterinde shymkentik klýb tizgindi óz qolyna alýǵa tyrysty. Nátıjesinde 4-mınýtta «Ordabasy» kapıtany Ashat Taǵybergen óz komandasyn alǵa shyǵardy.

Ekinshi kezeńniń 54-mınýtynda «Maqtaral» sapynan Petros Avetısıan tarazy basyn teńestirdi.

Oıynnyń 92-mınýtynda Vsevolod Sadovskıı shymkenttik klýbty taǵy da alǵa shyǵardy.

Osylaısha «Ordabasy» qarsylasynan 2:1 esebimen basym tústi.

Týrnır kestesinde olar 20 upaımen úshinshi orynǵa kóterildi. Kósh basynda «Qyzyljar» (22 upaı) men «Astana» (20 upaı) komandalary tur.

Endi atalǵan týrda 14 mamyrda «Oqjetpes» (Kókshetaý) pen «Astana» oınasa, «Qaırat» (Almaty) pen «Aqtóbe», «Qaısar» (Qyzylorda) men «Tobyl» (Qostanaı) komandalary oınaıdy.

Eske salsaq, 13 mamyrda «Kaspıı» «Aqsýdan», «Qyzyljar» «Jetisýdan» 1:0, «Atyraý» «Shahterden» 2:1 esebimen basym tústi.