Fýtbol: Oraldyń «Aqjaıyǵy» birinshi lıgada alǵashqy jeńisine qol jetkizdi

<p>JEZQAZǴAN. KAZINFORM &mdash; Fýtboldan birinshi lıga komandalary arasynda el chempıonatynyń ekinshi týrynda &laquo;Ulytaý&raquo; óz alańynda Oraldyń &laquo;Aqjaıyǵyn&raquo; qabyldady. Birinshi týrda Qýanysh Qaraqulov jattyqtyratyn oraldyqtar óz alańynda kútpegen jerden &laquo;Ekibastazǵa&raquo; 0:1 esebimen ese jibergen edi.</p>

Bul joly match taǵdyry ekinshi taımda sheshildi. Aldymen 54-mınýtta «Aqjaıyqtan» Roman Chırkov esep ashty. Degenmen Baýyrjan Turysbek 69-mınýtta tarazy basyn teńestirdi. 81- mınýtta Ádiljan Nurbaı soqqan gol «Aqjaıyqqa» úsh upaı syılady – 2:1. 

Osylaısha, «Aqjaıyq» alǵashqy jeńisine qol jetkizdi. Batysqazaqstandyq klýb 3-týrda 19 sáýirde Oralda Aqtaýdyń «Kaspııin» qabyldaıdy. 

«Kaspıı» ekinshi týrda Aqtaýda «Altaıdy» 4:1 esebimen oısyrata utty.

Eske sala keteıik, budan buryn Qýanysh Qaraqulovtyń «Aqjaıyq» fýtbol komandasynyń bas bapkeri bolǵanyn jazǵan edik.