Fýtbol: Ońtústik Koreıa Portýgalııany jeńe ala ma

ASTANA. QazAqparat – Qatarda ótip jatqan fýtboldan 2022 jylǵy álem chempıonatynda búgin H tobynda úshinshi týr oıyndary ótkiziledi, dep habarlaıdy QazAqparat tilshisi.

Bul topta Portýgalııa eki oıynda jeńiske jetip, jarystyń 1/8 fınalyna shyǵyp qoıdy. Qalǵany ekinshi joldama úshin talasady.

Atalǵan toptaǵy oıyndar elorda ýaqytymen 21:00-de ótkiziledi.

Ońtústik Koreıa men Portýgalııa quramalarynyń oıyny «Qazaqstan» telearnasynan tikeleı efırde kórsetiledi.

Oıyn Er-Raııan qalasyndaǵy 44667 jankúıerge arnalǵan «Edıýkeıshn Sıtı» stadıonynda bolady. Bas tóreshi - Fakýndo argentıkalyq Telo Ismaıl.

FIFA reıtınginde Ońtústik Koreıa - 20, Portýgalııa 9-orynda tur.

Eki qurama buǵan deıin eki márte kezdesti. Ekeýinde de koreılik fýtbolshylar jeńiske jetti. 2002 jylǵy álem chempıonatynda Ońtústik Koreıa atalǵan qarsylasynan 1:0 esebimen basym túsken edi.

Atalǵan toptaǵy Gana men Ýrýgvaı kezdesýi jankúıerler «Qazsport» telearnasynan tikeleı efırde tamashalaýyna bolady.

Oıyn el astanasy El-Vahra qalasyndaǵy qalasyndaǵy 44089 jankúıerge arnalǵan «El-Djanýb» stadıonynda ótkiziledi. Bas tóreshi - germanııalyq Danıel Zıbert.

FIFA reıtınginde Gana - 61, Ýrýgvaı 14-orynda tur.

Eki qurama buǵan deıin eki márte kezdesti. Bireýinde ýrýgvaılyqtar jeńiske jetse, bireýinde teń nátıje tirkeldi.

Sondaı-aq, búgin, 2 jeltoqsanda elorda ýaqytymen 1:00-de G tobynda Serbııa men Shveıtsarııa, Kamerýn men Brazılııa quramalary kezdesedi.

Qazirge deıin pleı-off satysyna shyqqan 14 qurama belgili boldy. Olardyń qatarynda Brazılııa men Portýgalııa quramalary bar. Qalǵan eki joldama ıesi búgin anyqtalady.

Foto: GETTY IMAGES