Fýtbol: Nıgerııa quramasynyń oıynshysy «Tobylǵa» aýysty

QOSTANAI. QazAqparat – Qostanaıdyń «Tobyly» Nıgerııa quramasynyń fýtbolshysy Stıven Ezemen eńbek kelisimin jasasty, dep habarlaıdy QazAqparat klýbtyń resmı saıtyna silteme jasap.

Stıven mansabyn Makýrdı qalasynyń «Lobı Stars» klýbynda bastaǵan. 2014 jyly qorǵaýshy «Sanshaın Stars» komandasyna aýysty. Sodan keıin ol «Ifeanı Ýba» jáne «Kano Pılarz» ujymdarynda óner kórsetti.

Eze ótken maýsymda Eýropaǵa qonys aýdardy. Bolgarııanyń Plovdıv qalasynda jasaqtalǵan «Lokomotıv» komandasymen kelisim-shartqa qol qoıdy. Stıven 50-den astam match oınap, Bolgarııa Kýbogyn jeńip aldy.

Stıven Eze – Nıgerııa ulttyq quramasynyń oıynshysy. Afrıkalyq ulttar chempıonatynyń kúmis júldegeri ataǵy bar.