Fýtbol: Qazaqstan jastary Ispanııaǵa ese jiberdi

<p>Fýtboldan 21 jasqa deıingi Qazaqstan jastar quramasy 2025 jylǵy Eýropa chempıonatyna irikteý satysynyń úshinshi týrynda elordada Ispanııamen kezdesti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Qazaqstandyq jastar V tobynda synǵa túsip jatyr. Qarsylastary - Ispanııa, Vengrııa, Shotlandııa, Malta jáne Belgııa quramalary.

Búgingi kezdesý barysynda qazaqstandyq fýtbolshylar qarsylasyna laıyqty deńgeıde tótep berýge tyrysty. Ispanııalyq jastardyń shabýylyna toıtarys berip, qarsy shabýylǵa shyǵýǵa kóńil bóldi.

Oıynnyń 11-mınýtynda ıspanııalyq Fermın Lopes Martın esep ashyp ketti. Birinshi kezeńde budan keıin gol soǵylǵan joq.

Ekinshi kezeńde ıspanııalyq klýbtan Dıego Lopes - 54, Fran Peres - 56, Samý Omorodıon 90-mınýtta mergendik tanytty.

Osylaısha qazaqstandyq fýtbolshylar qarsylasyna 0:4 esebimen ese jiberdi.

Eske salsaq, el jastary budan buryn eki oıyn ótkizip, Vengrııaǵa - 0:2, Belgııaǵa 0:1 esebimen jol bergen edi. 

Endi otandyq qurama aldaǵy oıynyn 16 qarashada syrt alańda Maltaǵa qarsy ótkizedi.