Fýtbol: Qazaqstan jastar quramasynyń bas bapkeri taǵaıyndaldy

<p>Tanymal maman Konstantın Gorovenko 21 jasqa deıingi Qazaqstan quramasynyń bas bapkeri bolyp taǵaıyndaldy, dep habarlaıdy Kazinform.</p>

K. Gorovenko fýtbolshylyq mansabynda «Qaırat», «Qaınar», «Jeńis», «Almaty», «Suńqar», «Megasport» syndy klýbtarda oınaǵan. 2000-2001 jyldary Qazaqstan quramasy sapynda 6 kezdesý ótkizip, 3 gol soqqan.

Bapkerlik mansabyn «Suńqar» klýbynda bas bapkerdiń kómekshisi bolyp bastady. Sondaı-aq, ol «Qaırattyń» jastar komandasynda qyzmet atqardy. 2017 jyly qazaqstandyq maman alǵashqy maýsymda almatylyq klýbtyń farm-komandasymen birge Qazaqstan birinshi lıgasynyń qola júldesine qol jetkizdi.

2018-2020 jyldary «Jetisýdyń» ekinshi komandasyn jattyqtyrdy.

2020 jyly Qaraǵandynyń «Shahterin» bapkerlik qyzmet atqardy. Komanda Premer-lıgada tórtinshi orynǵa turaqtap, eýrokýbok joldamasyn jeńip aldy.

2021 jyly «Maqtaaral» klýbynyń bas bapkeri qyzmetinde birinshi lıganyń kúmis júldegeri atanyp, Premer-lıgaǵa joldama aldy.

Odan keıingi kezeńde qazaqstandyq maman «Atyraý» jáne «Kaspıı» klýbtaryna basshylyq jasady.

Aıta ketsek, Konstantın Gorovenkoǵa Qazaqstan quramasynyń burynǵy qorǵaýshysy Eldos Ahmetov kómektesedi. Bapkerlerdiń tolyq shtaby aldaǵy ýaqytta jasaqtalady.

Eske salsaq, budan buryn elimizdiń kásipqoı fýtbol lıgasynda oınaıtyn eń qymbat otandyq fýtbolshylar anyqtaldy.