Fýtbol: «Qaısar» «Shahterdi» jeńip ketti

ASTANA. QazAqparat - Fýtboldan Premer-lıga komandalary arasyndaǵy el birinshiliginiń 5-týrynda «Qaısar» «Shahterden» basym tústi, dep habarlaıdy QazAqparat tilshisi.

Atalǵan týrdaǵy alǵashqy oıyn kúnin Qyzylordada jergilikti «Qaısar» men Qaraǵandynyń «Shahteri» qorytyndylady.

Komandalar bıylǵy birinshilikti sátsiz bastady.

Tórt oıynnan keıin nebári tórt upaı jınaǵan «Qaısar» toǵyzynshy orynda tursa, «Shahter» nebári bir upaımen on ekinshi oryndy mise tutty.

Komandalar birden shabýylǵa kóshti. Nátıjesinde 3-mınýtta qaraǵandylyq klýbtan Ivan Svırıdov esep ashty.

Odan keıin «Qaısar» sapynan Goran Mıloıko 19, Ádilet Keńesbek 39-mınýtta eki gol soqty

Osylaısha «Qaısar» qarsylasynan 2:1 esebimen basym tústi.

Eske salsaq, budan buryn «Oqjetpes» «Aqsýdy» - 3:0, «Maqtaral» «Kaspııdi» - 3:1, «Qyzyljar» «Atyraýdy» - 1:0 esebimen tize búktirgen edi.

Endi 9 sáýirde «Qaırat» (Almaty) pen «Jetisý» (Taldyqorǵan), «Tobyl» (Qostanaı) men «Astana», «Ordabasy» (Shymkent) men «Aqtóbe» komandalary kezdesedi.