Fýtbol: «Qaısar» óz alańynda «Tobyldy» súrindirdi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 9-týry máresine jetti, dep habarlaıdy QazAqparat tilshisi.

Atalǵan týrdaǵy sońǵy oıyn Qyzylordada «Qaısar» jáne qostanaılyq «Tobyl» arasynda ótti.

Komandalar týrnır kestesinde qatarlas keledi. Jeńgen klýb jaǵdaıyn jaqsarta túsetin edi.

Birinshi kezeń alma-kezek shabýylmen ótti. Alaıda tablodaǵy esepke ózgeris engen joq.

Ekinshi kezeńde 55-mınýtta qyzylordalyq klýbtan Vıtalıı Prındeta soqqan jalǵyz gol kezdesý taǵydyryn sheshti.

Eske salsaq, 13 mamyrda «Kaspıı» «Aqsýdan», «Qyzyljar» «Jetisýdan» 1:0 , «Atyraý» «Shahterden», «Ordabasy» «Maqtaraldan» 2:1 esebimen basym tústi.

Al 14 mamyrda «Oqjetpes» pen «Astana» 0:0 esebimen teń tússe, «Qaırat» «Aqtóbeni» 2:1 esebimen tize búktirdi.

Endi onynshy týr oıyndary 20 jáne 21 mamyr kúnderi ótkiziledi.